నా వెనుకే నువ్వున్నావని
నీ మూర్తి నా స్ఫూర్తి కాగా,
ఈ ప్రపంచాన్ని జయించి వెనుతిరిగితే,
ఏదీ కనపడవే.....? ఏమై పోయావు నువ్వు?
ఘనీభవించిన జీవితం,
సాయంకాలపు నీడల్లా నీ జ్ఞాపకాలు...,
రంగు వెలసిన కాగితంపూవు లాంటి నేను,
తోడుగా నువ్వు తిరిగి వస్తావన్న చిన్ని ఆశ,
ఇంకేమీ చేయలేను... నిన్ను ప్రేమిస్తూ ఉండడం తప్ప.
ఏనాడో నీలో కరిగిపోయిన నేనూ,
నాలో మాత్రమే ఉన్న నువ్వూ...,
ఇవేమీ పట్టని ఈ ప్రపంచం,
ఇంకేమి చేయగలను..... నిన్ను ప్రేమిస్తూ ఉండడం తప్ప.
నీ చిరునవ్వుల తొలకరి కోసం
చకోరమై ఉన్నా నేస్తం..
No comments:
Post a Comment